TQDK ləğv ediləcək !?

TQDK ləğv ediləcək !? - 1

Yeni ildən tələbə qəbulunu Təhsil Nazirliyi aparacaq.
Hökumətdə növbəti struktur dəyişiklik gözlənilir. Bir-birini qismən və tamamilə təkrarlayan nazirlik, komitə, idarə və digər dövlət təşkilatlarının birləşdiriləcəyi haqqında bir müüdət əvvəl də yazmışdıq. Artıq Torpaq və Xəritəçəkmə Komitəsi ləğv olundu və səlahiyyətləri iki dövlət strukturu arasında bölüşdürüldü. Ardınca “Azərenerji” SC və “Bakıelektrikşəbəkə” ASC-nin bazasında “Azərişıq” ASC yaradıldı.
Bu istiqamətdə “xeberinfo.com”a yeni məlumat daxil olub. Məlumata görə növbə Tələbə Qəbulu Üzrə Dövlət Komissiyasına (TQDK) çatıb. Bu qurumun yaxın vaxtda ləğv edilərək, səlahiyyətlərinin Təhsil Nazirliyinə veriləcəyi gözlənilir. Hətta bu səbəbdən TQDK-nın fəaliyyəti de-fakto dondurulub. Məleykə Abbaszadəyə isə heç bir əhəmiyyətli addım atmamaq tapşırılıb. Artıq Nazirlər Kabinetində əsas müzakirə obyektinin məhz bu məsələ olduğu deyilir. Daha doğrusu əsas qərar qəbul olunub, qalır Təhsil Nazirliyində aparılacaq struktur dəyişiklik. Mikayıl Cabbarovun rəhbərliyi altında bu məqsədlə yeni idarə yaradılacaq.
Bu dəyişikliklə TQDK əməkdaşlarının əksər qismi işsiz qalmayacaq. Onların Təhsil Nazirliyində yaradılacaq idarədə işlə təmin olunacağı da gözlənilir.
O ki, qaldı Mikayıl Cabbarovun tələbə qəbulu kimi ağır bir yükü nə dərəcədə çəkə biləcəyinə, yaşayıb görərik.

  • Paylaşmağı unutma

Səhr yaz

Xaricdə təhsil almış neçə nəfərin diplomu tanınmayıb?

Xaricdə təhsil almış neçə nəfərin diplomu tanınmayıb?

Oktyabr ayı üzrə 729 müraciətçinin 612-si barədə müsbət qərar verilərək müvafiq şəhadətnamələr təqdim edilib, 117 nəfərin müraciəti isə mənfi qərarla yekunlaşıb. Bu barədə "Report"a Təhsildə Keyfiyyət Təminatı Agentliyindən məlumat verilib....

E-jurnal və e-gündəlik tətbiq edilən təhsil müəssisələri

E-jurnal və e-gündəlik tətbiq edilən təhsil müəssisələri

2023-2024-cü tədris ilində e-jurnal və e-gündəlik platformasına qoşulan ümumi təhsil müəssisələrinin sayı 453-ə çatıb. Elm və Təhsil Nazirliyindən "Report"a verilən məlumata görə, sözügedən sistemdən hazırda Bakı şəhəri ilə yanaş...

Məktəblərdə psixoloqların sayı nə qədərdir?

Məktəblərdə psixoloqların sayı nə qədərdir?

"Bu gün məktəblərdə psixoloq ştatının azlığı onların aldığı əməkhaqqının az olması ilə əlaqədardır". “Report” xəbər verir ki, bunu Milli Məclisin deputatı Azər Badamov parlamentdə “Azərbaycan Respublikasının 2024-cü il dövlət büdcəsi haqqında” ...