AzTU-da LMQS layihəsi çərçivəsində yeni ixtisas üzrə tələbə qəbulu aparılıb
2022/2023-cü illər üzrə Azərbaycan Texniki Universitetində (AzTU) “Erasmus+” KA2 proqramının “Rusiya Federasiyası, Qazaxıstan və Azərbaycanda səhiyyədə strateji keyfiyyət menecmenti, risklərin idarə olunması üzrə açıq və distant təhsil formatında peşə bakalavrı, peşə magistri hazırlığı” (LMQS) layihəsi çərçivəsində magistratura səviyyəsində yeni yaradılan səhiyyədə keyfiyyətin və risklərin idarə olunması ixtisasına tələbə qəbulu həyata keçirilib. Yeni tədris ilindən adıçəkilən ixtisas üzrə 19 tələbə təhsil alacaq.
AzEdu.azxəbər verir ki, bundan başqa, AzTU-nun bakalavriat səviyyəsində də səhiyyədə keyfiyyətin və risklərin idarə olunması ixtisası üzrə tələbə qəbulunun həyata keçirilməsi nəzərdə tutulub.
Qeyd edək ki, layihə çərçivəsində AzTU-nun əməkdaşları Yunanıstanın Qərbi Attika Universitetində təlim proqramında iştirak edib, bu sahədə qabaqcıl Avropa universitetlərinin tədris proqramları ilə tanış olub, müvafiq tədris materialları əldə ediblər.1
