“Zəfər” məktəblilərarası I tarix olimpiadasının qalibləri mükafatlandırılıb

Bakı şəhəri üzrə keçirilən “Zəfər” məktəblilərarası I tarix olimpiadası qaliblərinin mükfatlandırılma mərasimi keçirilib.

Bu barədəAZƏRTAC-a Bakı Şəhəri üzrə Təhsil İdarəsindən (BŞTİ) məlumat verilib. Bildirilib ki, tədbirdə Azərbaycan Respublikasının Dövlət Himni səsləndirilib və Vətən şəhidlərinin əziz xatirəsi bir dəqiqəlik sükutla yad edilib.

Tədbirdə çıxış edən BŞTİ-nin müdiri Mehriban Vəliyeva müsabiqədə qalib gəlmiş şagirdləri qazandıqları uğura görə təbrik edib. Qeyd edib ki, adında Zəfər olan bir müsabiqədə qalib gəlmək hər bir şagird üçün böyük bir qürur və fəxarətdir. Hər bir insanda vətənpərvərlik ruhu, Vətənə sevgi, ilk növbədə, məktəbdə yaranır və formalaşır.

Xalqımızın böyük Qələbəsində Azərbaycan təhsil işçilərinin böyük əməyi olduğunu söyləyən idarə müdiri bildirib ki, Vətən müharibəsi başlayan gündən təhsil işçiləri də könüllü olaraq döyüşə qatılıblar. Şanlı Qələbənin qazanılmasına onlar da öz töhfələrini veriblər.

Sonra şagirdlər vətənpərvərlik mövzusunda şeirlər söyləyib, mahnılar oxuyub, ədəbi-bədii kompozisiyalar təqdim ediblər.

Rəsmi hissədən sonra olimpiadanın yekununda qalib şagirdlərdən ibarət komandalar arasında “Kim? Nə? Harada?” intellektual oyunu təşkil olunub.

Oyunda ilk 3 yerə layiq görülən komanda diplomla təltif edilib.

  • Paylaşmağı unutma

Səhr yaz

Dövlət qulluğuna qəbulun nəticəsi açıqlanıb

Dövlət qulluğuna qəbulun nəticəsi açıqlanıb

Dövlət İmtahan Mərkəzi dekabrın 17-də inzibati icraçı vəzifələrə (B növü) aid vəzifə qrupları üzrə dövlət qulluğuna keçirdiyi qəbul imtahanının nəticələrini açıqlayıb. "Report" xəbər verir ki, Bakı şəhərində kağız daşıyıcılar vasitəsilə...

Bu il Bakıda 47 mindən çox şagird məktəbini dəyişib

Bu il Bakıda 47 mindən çox şagird məktəbini dəyişib

Bakı Şəhəri üzrə Təhsil İdarəsinin tabeliyindəki ümumi təhsil müəssisələri üzrə 2023-cü ildə 47 854 şagird elektron sistem (sy.edu.az) vasitəsilə bir məktəbdən digərinə köçürülüb. Bu barədə "Report"a ...