“Yüksəliş” müsabiqəsinin İşçi Qrupu qaliblərlə görüşüb

“Yüksəliş” müsabiqəsinin İşçi Qrupu qaliblərlə görüşüb - 1

“Yüksəliş” müsabiqəsinin İşçi Qrupu müsabiqə qalibləri ilə görüş keçirib.

"Report"xəbər verir ki, görüşdə İşçi Qrupunun rəhbəri Fərhad Hacıyev qaliblərə təqdim olunan 1 illik özünüinkişaf proqramının gedişatı ilə maraqlanıb.

Qaliblər hazırda davam edən mentorluq proqramı barədə ətraflı məlumat veriblər. Əlavə olaraq, mövcud və gələcək qaliblər arasında əlaqələrin gücləndirilməsi məqsədilə təsis olunan “Yüksəliş klubu”nun gələcək fəaliyyəti barədə fikir mübadiləsi aparılıb, yeni ideyalar müzakirə olunub.

Görüşdə həmçinin, növbəti “Yüksəliş” müsabiqəsinin təşkili prosesi ilə bağlı müsabiqə qaliblərinə məlumat verilib. Qaliblər də öz növbəsində müsabiqə ilə bağlı rəy və təkliflərini irəli sürüblər.

Qeyd edək ki, ikinci "Yüksəliş" müsabiqəsinin qeydiyyat mərhələsinə hazırlıq prosesi davam edir. Yaxın günlərdə qeydiyyat mərhələsinin başlanması ilə bağlı ictimaiyyətə məlumat veriləcək.

"Yüksəliş" müsabiqəsi Azərbaycan Prezidenti İlham Əliyevin 26 iyul 2019-cu ildə imzaladığı Sərəncamla intellektual səviyyəsi və idarəçilik bacarıqları yüksək olan perspektivli rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub.

  • Paylaşmağı unutma

Səhr yaz

Dövlət qulluğuna qəbulun nəticəsi açıqlanıb

Dövlət qulluğuna qəbulun nəticəsi açıqlanıb

Dövlət İmtahan Mərkəzi dekabrın 17-də inzibati icraçı vəzifələrə (B növü) aid vəzifə qrupları üzrə dövlət qulluğuna keçirdiyi qəbul imtahanının nəticələrini açıqlayıb. "Report" xəbər verir ki, Bakı şəhərində kağız daşıyıcılar vasitəsilə...

Bu il Bakıda 47 mindən çox şagird məktəbini dəyişib

Bu il Bakıda 47 mindən çox şagird məktəbini dəyişib

Bakı Şəhəri üzrə Təhsil İdarəsinin tabeliyindəki ümumi təhsil müəssisələri üzrə 2023-cü ildə 47 854 şagird elektron sistem (sy.edu.az) vasitəsilə bir məktəbdən digərinə köçürülüb. Bu barədə "Report"a ...