“Türk xalqlarının mərasimləri” adlı monoqrafiya çap olunacaq
AMEA-nın Arxeologiya, Etnoqrafiya və Antropologiya İnstitutunun Elmi şurasının növbəti iclası keçirilib.
İnstitutdanAZƏRTAC-a bildirilib ki, öncə qardaş Türkiyədə baş verən təbii fəlakət zamanı həyatlarını itirən insanların xatirəsi bir dəqiqəlik sükutla yad edilib.
İnstitutun baş direktoru professor Abbas Seyidov Ulu Öndər Heydər Əliyevin 100 illik yubileyinə hazırlıq tədbirləri ilə bağlı görüləcək işlər barədə məsləhət və tövsiyələrini verib.
Dosent Səfər Aşurovun təqdimatında arxeologiya, etnoqrafiya və etnologiya ixtisaslarına elmlər doktoru və fəlsəfə doktoru hazırlığı üzrə qəbul olmuş doktorant və dissertantların fərdi planları dinlənilib və müzakirə edilib.
Elmi şura tərəfindən tarix elmləri doktoru Güllü Yoloğlunun “Türk xalqlarının mərasimləri” adlı yeni monoqrafiyasının çapa təqdim olunması yekdilliklə qəbul edilib.
Sonda cari məsələlərə baxılıb.
