tehsil_xeberleri_metn Tədqiqatçıların V Beynəlxalq Elmi Konfransı keçiriləcək

Tədqiqatçıların V Beynəlxalq Elmi Konfransı keçiriləcək

Tədqiqatçıların V Beynəlxalq Elmi Konfransı keçiriləcək

İyunun 22–25-də Azərbaycan Dövlət İqtisad Universiteti (UNEC), Heydər Əliyev Mərkəzi, UNEC Beynəlxalq Magistratura və Doktorantura Mərkəzi (BMDM) və Regional İnkişaf İctimai Birliyinin (RİİB) birgə təşkilatçılığı ilə İqtisadiyyat və İdarəetmə Sahəsində Tədqiqatçıların IV Beynəlxalq Elmi Konfransı keçiriləcək.

UNEC-dənAZƏRTAC-a bildirilib ki, “Heydər Əliyev İli” çərçivəsində keçirilən beynəlxalq konfrans "Bir əsrin iqtisadi nəticələri" mövzusuna həsr olunacaq. Dövlət və özəl qurumların rəhbər şəxslərinin, yerli və xarici qonaqların qatılacağı konfransda dünyanın qabaqcıl ali təhsil müəssisələrinin tədqiqatçılarının iştirakı ilə “Vorkshop” təşkil olunacaq. Eləcə də “Yaşıl iqtisadiyyat və yaşıl inkişaf” mövzusunda “Green Day” keçiriləcək. Tədbirdə yaşıl investisiyalar, yaşıl inkişaf, yaşıl enerji, təkrar istehsal, yaşıl istehlak kimi aktual mövzularda çıxışlar olacaq. Məruzə sessiyalarında dünyanın 100-ə yaxın ölkəsindən 500-dən çox tədqiqatçı öz işlərini təqdim edəcək.

Konfrans çərçivəsində yerli və xarici universitetlərin professor və tədqiqatçıların iştirakı ilə “Bir əsrin iqtisadi portreti” kitabının təqdimatı nəzərdə tutulub. Bundan əlavə, ingilis dilində “Yaşıl iqtisadiyyat və yaşıl maliyyə” adlı kitab nəşr olunacaq. Həmçinin ali təhsil müəssisələrində dərs vəsaiti olaraq istifadə edilməsi nəzərdə tutulan “Strateji idarəetmə” kitabı da çap olunaraq konfrans zamanı iştirakçılara təqdim ediləcək.

Akademik tədbirlərlə yanaşı, konfrans günlərində Heydər Əliyev Mərkəzində Azərbaycan tarixinə, mədəniyyətinə, Heydər Əliyev irsinə aid müxtəlif mövzularda sərgilərdən ibarət mədəni tədbirlər təşkil olunacaq.

Konfransa elmi məqalələrin qəbulu aprelin 21-dək davam edəcək.

Tədbirlər haqqında daha ətraflı məlumatları konfransın rəsmi saytı olanwww.conferences.az veb-ünvanından əldə etmək olar.

  • Paylaşmağı unutma

Səhr yaz

Bu gün neçə mind IX sinif şagirdi buraxılış imtahanı verib

Bu gün neçə mind IX sinif şagirdi buraxılış imtahanı verib

DİM aprelin 7-də ümumi (9 illik) orta təhsil səviyyəsi üzrə buraxılış imtahanı keçirib. "Report" xəbər verir ki, Bakı şəhərinin Xəzər – 1, Qaradağ, Yasamal, Suraxanı, Binəqədi rayonlarında, Sumqayıt – 1, Abşeron – 1, Gəncə - 2, Mingəçevir, Şəmkir – 1, Tovuz, ...

Birinci sinfə qəbul prosesinin vaxtı açıqlandı

Birinci sinfə qəbul prosesinin vaxtı açıqlandı

Yeni tədris ili üçün orta məktəblərin birinci sinfinə qəbul prosesinin başlayacağı vaxt açıqlanıb. "Report" xəbər verir ki, bununla bağlı Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin...

Xaricdə dövlət hesabına təhsil almaq istəyənlərə məlumat

Xaricdə dövlət hesabına təhsil almaq istəyənlərə məlumat

Bu gündən “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində xaricdə bakalavriat və magistratura təhsil səviyyələri üzrə namizədlərin müsahibə mərhələsinə start verilib...

Ramazan bayramı ilə əlaqədar bayram günləri

Ramazan bayramı ilə əlaqədar bayram günləri

Ramazan bayramı ilə əlaqədar məktəblərdə qeyri-iş günləri məlum olub. "Report" xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb. Bildirilib ki, ... günlük qrafiklə işləyən təhsil müəssisələrində bayramdan əvvəl...