Prezidentin fərdi təqaüdçüsü 91 yaşında vəfat edib

Prezidentin fərdi təqaüdçüsü 91 yaşında vəfat edib - 1
Geologiya-mineralogiya elmləri doktoru, professor, Prezidentin fərdi təqaüdçüsü, iki dəfə Dövlət mükafatı laureatı, Əməkdar elm xadimi Fərid Dadaşov vəfat edib.

“Report”xəbər verir ki, o, 91 yaşında dünyasını dəyişib.

Qeyd edək ki, Dadaşov Fərid Həsən oğlu 1930-cu ildə Bakı şəhərində anadan olub. 1952-ci mühəndis-geoloq ixtisası üzrə Azərbaycan Sənaye İnstitutunun (indiki ADNSU) Geoloji-kəşfiyyat fakültəsini bitirib. 1952-1954-cü illərdə həmin institutun aspiranturasında oxuyub, “Neft yataqlarının geologiyası” kafedrasında işləyib.

1957-ci ildən Azərbaycan Elmlər Akademiyasının Geologiya İnstitutunda (indiki Geologiya və Geofizika İnstitutu) işləyib. 1977-1984-cü illərdə Geologiya İnstitutunda elmi işlər üzrə direktor müavini vəzifəsində çalışıb. “Neft və qaz yataqlarının genezisi və əmələgəlməsi” şöbəsinin rəhbəri olub.

Elmi fəaliyyəti təbii qazların geologiyası və geokimyası, palçıq vulkanizmi, neft-qaz yataqlarını geologiyası, axtarışı və kəşfiyyatı ilə bağlıdır. O, neft-qaz geologiyası və geokimyası sahəsində, təbii qazların tədqiqatı üzrə görkəmli alimdir. F.Dadaşov Azərbaycanın və Xəzər dənizinin neftli-qazlı rayonlarının karbohidrogen qazlarının dəyişməsi qanunauyğunluğunu müəyyən edib, hidrosferin qazlarını öyrənmək üçün yeni üsul təklif edib, neft-qaz-toplanma zonalarının qazgeokimyəvi kriterilərini işləyib hazırlayıb. Onun nəzəri işləmələri neft, qaz, sulfid yataqları axtarışında, hidrotexniki, mülki və sənaye obyektlərin tikintilərində, ekologiya sahələrində tətbiq edilib.

Günəşli neft yatağını ilk kəşf edənlərdəndir. 1988-ci ildə “Azərbaycan SSR-in neft və qaz yataqları və perspektiv strukturları xəritəsi”nə görə Azərbaycan SSRİ Dövlət mükafatına layiq görülüb. “Şərəf nişanı” ordeni və medallarla təltif edilib.

F.Dadaşov 300-dən çox elmi işin, 8 monoqrafiyanın, 3 müəlliflik şəhadətnaməsinin müəllifidir. “Azərbaycanın geokimyəvi anomaliyaları”, “Azərbaycanın neft-qaz yataqları və perspektivli sahələri”, “Xəzər dənizinin palçıq vulkanları”, “Azərbaycanın neft və qaz ehtiyatlarının xəritəsi”, “Azərbaycanın təbii qazları” xəritələrin müəlliflərindən biridir.

15 il ərzində doktorluq dərəcəsi vermək üzrə Elmi Şuranın sədri olub. 18 geologiya-mineralogiya elmləri namizədi, 3 elmlər doktoru hazırlayıb
  • Paylaşmağı unutma

Səhr yaz

5
Azərbaycanda nə qədər əcnəbi tələbələ oxuyur?

Azərbaycanda nə qədər əcnəbi tələbələ oxuyur?

Azərbaycanda təhsil alan əcnəbi tələbələrin sayı açıqlanıb. Təhsil Nazirliyindən verilən məlumata görə, ölkəmizin ali və orta ixtisas təhsili müəssisələrində 101 ölkədən 7400-ə yaxın əcnəbi və vətəndaşlığı olmayan tələbə təhsil alır.

Azərbaycan dilinin qorunması ilə bağlı beynəlxalq tədbir haqqında

Azərbaycan dilinin qorunması ilə bağlı beynəlxalq tədbir haqqında

Dövlət Dil Komissiyası yanında Monitorinq Mərkəzinin təşkilatçılığı ilə Dünya Azərbaycanlılarının Həmrəyliyi Gününə həsr olunmuş “Dilimizə sevgi ilə yola çıxdıq” adlı beynəlxalq tədbir keçirilib. "Report" xəbər verir ki, Azərbaycan dilinin qorunması..

DİM-in yanvar-fevral aylarında keçiriləcək imtahanları

DİM-in yanvar-fevral aylarında keçiriləcək imtahanları

Dövlət İmtahan Mərkəzi gələn ilin yanvar və fevral aylarında keçiriləcək imtahanların tarixlərini açıqlayıb.Mərkəzdən "Report"a verilən məlumata görə, yanvar ayında dövlət qulluğuna qəbul və Xarici İşlər Nazirliyinə diplomatik xidmətə qəbul imtahanı

Azərbaycanda bir qrup alimə ərzaq yardımı edilib

Azərbaycanda bir qrup alimə ərzaq yardımı edilib

AMEA-nın Azad Həmkarlar İttifaqı və Fizika İnstitutunun Həmkarlar İttifaqı Komitəsi tərəfindən qarşıdan gələn Yeni il bayramı və Dünya Azərbaycanlılarının Həmrəylik Günü münasibətilə sözügedən Qarabağ müharibəsi veteranları və şəhid ailələrinə ...