Nurlan İsmayılbəyli: "Müəllimlərin sertifikatlaşdırılma imtahanlarının keçirilmə qaydası dəyişməyib"
![Nurlan İsmayılbəyli: Müəllimlərin sertifikatlaşdırılma imtahanlarının keçirilmə qaydası dəyişməyib Nurlan İsmayılbəyli: Müəllimlərin sertifikatlaşdırılma imtahanlarının keçirilmə qaydası dəyişməyib](https://www.testler.az/articles/pics/tehsil-xeberleri/1921/1921-nurlan-ismayilbeyli-muellimlerin-sertifikatlasdirilma-imtahanlarinin-kecirilme-qaydasi-deyismeyib-1.jpg?1711563108)
"Builki təhsilverənlərin sertifikatlaşdırılma imtahanlarının keçirilmə qaydalarında hər hansı dəyişiklik yoxdur".
“Report”xəbər verir ki, bunu Təhsil İnstitutunun İnsan Resursları Mərkəzinin direktoru Nurlan İsmayılbəyli deyib.
O xatırladıb ki, qaydalar Nazirlər Kabineti tərəfindən təsdiqlənir: “Qaydalara dəyişiklik təkliflərini isə Elm və Təhsil Nazirliyi edir. Əgər nəsə dəyişiklik olsa, bu barədə ictimaiyyətə əvvəldən məlumat verilər. Bu gün isə qaydalarda hər hansı dəyişiklik yoxdur. Bu da o deməkdir ki, bu il də həmin qaydalarla sertifikasiya imtahanının keçirilməsi nəzərdə tutulur”.