“Mir Cəlal – 115” mövzusunda Respublika elmi konfransı keçiriləcək
Aprelin 18-19-da XX əsr Azərbaycan ədəbiyyatının görkəmli nümayəndəsi, qüdrətli söz ustadı, məşhur yazıçı, görkəmli ədəbiyyatşünas, mahir pedaqoq, parlaq şəxsiyyət Mir Cəlal Paşayevin (1908-1978) anadan olmasının 115 ili tamam olur. Bakı Dövlət Universiteti (BDU) görkəmli yazıçı və alimin zəngin və çoxşaxəli fəaliyyətinin öyrənilməsinə, həmçinin Azərbaycan filologiyasında Mir Cəlal yaradıcılığının yeni konseptual aspektdə nəzərdən keçirilməsi, dilçilik və ədəbiyyatşünaslıqda bu mövzunun şərhi istiqamətlərinin müəyyənləşdirilməsinə töhfə vermək məqsədilə “Mir Cəlal – 115” mövzusunda Respublika elmi konfransı keçirəcək.
Bu barədəAZƏRTAC-a BDU-dan məlumat verilib.
Konfransda iştirak etmək istəyən elm adamları və gənc tədqiqatçılar mövzu ilə bağlı məruzələrin xülasələrini (400-500 söz həcmində) aprelin 5-dək təşkilat komitəsininbdu.konfrans@mail.ruünvanına göndərə bilərlər.
Konfrans Azərbaycan, türk, rus və ingilis dillərində təşkil olunur.
Əvvəllər çap olunmuş və göstərilən tələblərə cavab verməyən xülasələr təşkilat komitəsi tərəfindən qəbul edilməyəcək və bu barədə müəlliflərə ayrıca məlumat verilməyəcək.
Konfransa təqdim olunmuş yazılar təşkilat komitəsi tərəfindən dəyərləndirildikdən sonra nəticələri barəsində müəlliflərə elektron poçt ünvanı vasitəsilə məlumat veriləcək.
Təşkilat komitəsi ilə əlaqə: telefon: 012 539 02 12; 012 539 03 73
