Magistraturaya ixtisas seçimi başa çatmışdır
Ali təhsil müəssisələrinin magistraturalarına ixtisaslaşma seçimi iyunun 30-da saat 12:00-dan etibarən başa çatıb.
İxtisaslaşma seçimində imtahanın ikinci mərhələsindəki nəticələri və ümumi balı TQDK tərəfindən müəyyən edilmiş minimal tələbləri ödəyən bakalavrlar iştirak etmişlər. İxtisaslaşma seçiminə müsabiqə şərtlərini ödəyən 6861 bakalavr buraxılmışdır. Onlardan 6663 nəfəri internetlə ixtisasllaşma seçimi edərək təsdiqləmişlər.
Məlumat üçün bildirək ki, seçilmiş ixtisaslaşmaların ərizə formasında göstərilən ardıcıllığı müsabiqə zamanı hüquqi əsas kimi qəbul olunur və bakalavr topladığı bala əsasən müsabiqədən keçdiyi ixtisaslaşmaların birincisinə yerləşdirilir.
