Koronavirusun lüğətimizə təsiri

Koronavirusun lüğətimizə təsiri - 1

"Azərbaycan dilinin yeni orfoepiya lüğətinin hazırlanması ilə bağlı işlər davam etdirilir".

Bunu "Report"a açıqlamasında AMEA-nın Dilçilik İnstitutunun Tətbiqi dilçilik şöbəsinin müdiri İsmayıl Məmmədli deyib.

Onun sözlərinə görə, Azərbaycan dilinin yeni orfoepiya lüğəti bu il təsdiq edilmiş “Azərbaycan dilinin orfoepiya normaları” əsasında tərtib ediləcək.

Şöbə müdiri bildirib ki, ötən il lüğətin hazırlanması ilə bağlı AMEA-da müvafiq İşçi Qrupu yaradılıb və həmin qrup tərəfindən bu istiqamətdə işlər aparılır: "Lüğətin hazırlanması ilə bağlı işlər müxtəlif istiqamətlərdə bölüşdürülüb. Gələn ilin may ayına qədər lüğətin hazır olacağı proqnozlaşdırılır. Amma həyata keçirilən işlərin miqyasından asılı olaraq dəqiq tarixi demək çətindir".

Bir qayda olaraq yalnız yazılışı ilə deyilişi fərqlənən sözlərin lüğətə daxil edildiyini bildirən şöbə müdiri vurğulayıb ki, orfoepiya lüğətində son illər ərzində Azərbaycan dilinə daxil olan yeni sözlərin hamısı yer alacaq: "Lüğət çapa gedənə qədər bütün yeni sözlər əlavə olunacaq. Misal üçün, koronavirus, koronafobiya, koronaviruslu və koronavirussuz sözlərinin də düzgün tələffüz qaydası lüğətdə öz əksini tapacaq. Eləcə də bu sıraya videobloger, vatsap, feysbuk, yutub, bayraqdar və s. kimi sözlər də daxildir".

Qeyd edək ki, “Azərbaycan dilinin orfoepiya normaları” bu ilin iyun ayında təsdiq edilib.

  • Paylaşmağı unutma

Səhr yaz

Xaricdə təhsil almış neçə nəfərin diplomu tanınmayıb?

Xaricdə təhsil almış neçə nəfərin diplomu tanınmayıb?

Oktyabr ayı üzrə 729 müraciətçinin 612-si barədə müsbət qərar verilərək müvafiq şəhadətnamələr təqdim edilib, 117 nəfərin müraciəti isə mənfi qərarla yekunlaşıb. Bu barədə "Report"a Təhsildə Keyfiyyət Təminatı Agentliyindən məlumat verilib....

E-jurnal və e-gündəlik tətbiq edilən təhsil müəssisələri

E-jurnal və e-gündəlik tətbiq edilən təhsil müəssisələri

2023-2024-cü tədris ilində e-jurnal və e-gündəlik platformasına qoşulan ümumi təhsil müəssisələrinin sayı 453-ə çatıb. Elm və Təhsil Nazirliyindən "Report"a verilən məlumata görə, sözügedən sistemdən hazırda Bakı şəhəri ilə yanaş...

Məktəblərdə psixoloqların sayı nə qədərdir?

Məktəblərdə psixoloqların sayı nə qədərdir?

"Bu gün məktəblərdə psixoloq ştatının azlığı onların aldığı əməkhaqqının az olması ilə əlaqədardır". “Report” xəbər verir ki, bunu Milli Məclisin deputatı Azər Badamov parlamentdə “Azərbaycan Respublikasının 2024-cü il dövlət büdcəsi haqqında” ...