Karyera məsləhətçilərinin hazırlığı üçün intensiv təlim proqramı təşkil olunub

Karyera məsləhətçilərinin hazırlığı üçün intensiv təlim proqramı təşkil olunub

Peşə Təhsili üzrə Dövlət Agentliyinin təşkilatçılığı ilə peşə məktəblərində karyera mərkəzlərinin yaradılması və fəaliyyətinin təmin olunması üçün həyata keçirilən tədbirlər çərçivəsində “Karyera məsləhəti xidmətinin təşkili” üzrə intensiv təlim proqramı təşkil edilib.

AgentlikdənAZƏRTAC-a bildirilib ki, tədbirin əsas məqsədi peşə təhsili müəssisələrində fəaliyyət göstərən karyera məsləhətçilərinin bilik və bacarıqlarının artırılmasıdır. Təlimlərə Bakı, Gəncə, Sumqayıt, İsmayıllı, Qəbələ, Bərdə və Cəlilabad üzrə 19 peşə məktəbindən 39 karyera məsləhətçisi cəlb olunub.

İki gün davam edən tədbirdə insan resurslarının idarə olunması sahəsində böyük təcrübəyə malik şəxslər, o cümlədən işəgötürən təşkilatların nümayəndələri tərəfindən “Karyera inkişafında kouçinqin rolu”, “Əmək bazarına inteqrasiya”, “Karyera inkişafının görünməyən tərəfləri”, “Müasir əmək bazarının inkişaf tendensiyaları” və başqa mövzularda təlimlər verilib. Təlimlərdə, həmçinin Dövlət Məşğulluq Agentliyinin nümayəndələri tərəfindən işsiz və işaxtaran şəxslərin qeydiyyat prosedurları haqqında ətraflı məlumat təqdim edilib.

Qeyd edək ki, peşə məktəblərində yaradılan karyera mərkəzləri tələbələri ixtisaslarına müvafiq iş imkanları və karyera perspektivləri barədə istiqamətləndirir, eyni zamanda, onların müasir iş mühiti üçün peşəkar hazırlığına yaxından dəstək olur. Mərkəzlərdə çalışan karyera ekspertləri peşə təhsili öncəsi, təhsil müddətində, habelə təhsilini başa vurmuş məzunlarla əlaqədar olaraq xidmət göstərir.

  • Paylaşmağı unutma

Səhr yaz

110 mindən çox abituriyent ərizəsini təsdiqləyib

110 mindən çox abituriyent ərizəsini təsdiqləyib

Ali təhsilin bakalavriat səviyyəsinə və orta ixtisas təhsili pilləsinə (tam orta təhsil bazasından) qəbul olmaq istəyən 115 min 245 abituriyent ərizə verib. Bununla bağlı "Report"a Dövlət İmtahan Mərkəzindən məlumat verilib....

On minlərlə gənc peşə təhsilindən kənarda qalıb

On minlərlə gənc peşə təhsilindən kənarda qalıb

"Təəssüf hissi ilə qeyd etməliyik ki, peşə təhsilinə qəbul ali təhsilə qəbuldan 3 dəfə azdır. Ölkəyə inkişaf istiqamətlərinə uyğun zəruri peşələrə malik ixtisaslı işçilər tələb edilir"....

Magistraturaya qəbul imtahanının yekun nəticələri

Magistraturaya qəbul imtahanının yekun nəticələri

Dövlət İmtahan Mərkəzi ali təhsil müəssisələrinin magistraturalarına fevralın 11-də keçirilən qəbul imtahanının yekun nəticələrini elan edib. "Report" xəbər verir ki, bakalavrlar imtahan nəticələri ilə buradan tanış ola bilərlər.