Elmlər doktoru elmi dərəcəsi üzrə ən çox müdafiə filologiya sahəsində keçirilib
Hesabat dövründə elmlər doktoru elmi dərəcəsi üzrə Ali Attestasiya Komissiyasına 213 iş təqdim edilib.
AZƏRTACxəbər verir ki, bu barədə Azərbaycan Respublikasının Prezidenti yanında Ali Attestasiya Komissiyasının sədri Famil Mustafayev “2019-2022-ci illər ərzində Azərbaycan Respublikasının elmi müəssisə və təşkilatlarının, ali təhsil müəssisələrinin nəzdində fəaliyyət göstərmiş dissertasiya şuralarının fəaliyyətinin nəticələrinə dair” yığıncağında məlumat verib.
Sədr qeyd edib ki, elmlər doktoru elmi dərəcəsi üzrə ən çox müdafiə filologiya sahəsində olub. Bu sahə üzrə 45 elmi iş müdafiə edilib. Tibb elmləri üzrə 36 elmi işin müdafiəsi keçirilib.
