Dövlət İmtahan Mərkəzi qəbula hazırlaşan abituriyentləri ÇAŞDIRIB

Dövlət İmtahan Mərkəzi qəbula hazırlaşan abituriyentləri ÇAŞDIRIB - 1

Dövlət İmtahan Mərkəzi bir neçə gün öncə tarix fənni üzrə imtahan suallarına dəyişiklik ediləcəyi barədə məlumat verib. Bu məlumat abituriyentlər arasında çaşqınlıq yaradıb.


Məsələ ilə bağlıDövlət İmtahan MərkəzindənModern.az-ın sorğusuna cavab olaraq bildirilib ki, burada elə bir ciddi dəyişiklik yoxdur:


“Xatırlayırsınızsa, bu il “Qarabağ uğrunda Vətən müharibəsi (İkinci Qarabağ müharibəsi)” adlı elmi-metodik məqalə çap olunmuşdu və tarix fənni üzrə imtahanda bu məqalə əsasında hazırlanan suallardan istifadə olunmuşdu. İndi isə məqalənin ilk çapından sonrakı dövrdə baş vermiş ən mühüm məlumatlar yeni redaktədə nəzərə alınıb. Yenilənmiş məqalə gələn həftə DİM-in saytında yerləşdiriləcək, daha sonra “Abituriyent” jurnalının 2-ci sayında dərc ediləcək. Mövzunun vacibliyi nəzərə alınaraq, bu il olduğu kimi, 2022-ci ildə II və III ixtisas qrupları üzrə keçiriləcək qəbul imtahanlarında da bu materialdan tarix fənni üzrə tapşırıqlar tərtib ediləcək”.


Təhsil ekspertiKamran Əsədovməsələni şərh edərkən deyib ki, bu qərar bütün sualların dəyişəcəyi anlamına gəlmir:


“Qəbul imtahanlarda mütəmadi olaraq dəyişikliklərin edilməsi xoş qəbul edilmir. Çünki vahid xəttin pozulması, tədris ilinin bir qisminin keçməsi abituriyentlərin və müəllimlərin bir istiqamətdə dərs keçməsində imtahan dəyişikliyi maneə yaradır. Bu gün ölkədə keçirilən təhsil sistemində imtahan nəticələri orta ümumtəhsil məktəblərində keçirildən dərsdən asılı deyil.

DİM-in tarix fənninin imtahan suallarında etdiyi dəyişiklik birbaşa Vətən Müharibəsi ilə bağlıdır. Biz bilirik ki, 9-cu və 11-ci sinif tarix kitablarında müasir dövrün bütün hadisələri öz əksini tapıb. Amma dərsliklər 5 ildən bir dəyişildiyi üçün hazırda orta məktəblərdə istifadə edilən dərsliklərdə bu informasiyalar yoxdur. Bu səbəbdən DİM Azərbaycanın tarixi torpaqlarını işğaldan azad etdiyini mütləq şəkildə şagirdlərə çatdırmalıdır. Bunu “Abituriyent” jurnalında əks etdirəcək”.


Təhsil eksperti vurğulayıb ki, əsas problem yeniliklərin çap olunacağı “Abituriyent” jurnalının sayının imtahan verəcək şagirdlərin sayından çox az olmasıdır:

“Burada əsas problem odur ki, çap edilən “Abituriyent” jurnalının sayı imtahan verəcək abituriyentlərin sayına uyğun deyil. Düzdür, kopyalayıb çoxalda bilərlər. Amma təhsilin əlçatanlılığını təmin edilməsi məqsədi ilə DİM “Abituriyent” jurnalını imtahan verəcək şagirdlərə pulsuz təqdim etməlidir.

Hesab edirəm ki, DİM həmin jurnalı və yenilikləri tətbiq edəcək məqalələri ölkənin bütün ümumtəhsil məktəblərinə pulsuz şəkildə təqdim etməlidir. Çünki il ərzində kifayət qədər imtahanlardan vəsait əldə edir. Düşünürəm ki, DİM bu barədə ədalətli yanaşacaq”.

  • Paylaşmağı unutma

Səhr yaz

5
Azərbaycanda nə qədər əcnəbi tələbələ oxuyur?

Azərbaycanda nə qədər əcnəbi tələbələ oxuyur?

Azərbaycanda təhsil alan əcnəbi tələbələrin sayı açıqlanıb. Təhsil Nazirliyindən verilən məlumata görə, ölkəmizin ali və orta ixtisas təhsili müəssisələrində 101 ölkədən 7400-ə yaxın əcnəbi və vətəndaşlığı olmayan tələbə təhsil alır.

Azərbaycan dilinin qorunması ilə bağlı beynəlxalq tədbir haqqında

Azərbaycan dilinin qorunması ilə bağlı beynəlxalq tədbir haqqında

Dövlət Dil Komissiyası yanında Monitorinq Mərkəzinin təşkilatçılığı ilə Dünya Azərbaycanlılarının Həmrəyliyi Gününə həsr olunmuş “Dilimizə sevgi ilə yola çıxdıq” adlı beynəlxalq tədbir keçirilib. "Report" xəbər verir ki, Azərbaycan dilinin qorunması..

DİM-in yanvar-fevral aylarında keçiriləcək imtahanları

DİM-in yanvar-fevral aylarında keçiriləcək imtahanları

Dövlət İmtahan Mərkəzi gələn ilin yanvar və fevral aylarında keçiriləcək imtahanların tarixlərini açıqlayıb.Mərkəzdən "Report"a verilən məlumata görə, yanvar ayında dövlət qulluğuna qəbul və Xarici İşlər Nazirliyinə diplomatik xidmətə qəbul imtahanı

Azərbaycanda bir qrup alimə ərzaq yardımı edilib

Azərbaycanda bir qrup alimə ərzaq yardımı edilib

AMEA-nın Azad Həmkarlar İttifaqı və Fizika İnstitutunun Həmkarlar İttifaqı Komitəsi tərəfindən qarşıdan gələn Yeni il bayramı və Dünya Azərbaycanlılarının Həmrəylik Günü münasibətilə sözügedən Qarabağ müharibəsi veteranları və şəhid ailələrinə ...