Doktorantura təhsili alan hansı şəxslərin Dövlət Proqramına müraciət edə bilməyəcəyi açıqlanıb
Azərbaycanda dövlət sifarişi ilə doktorantura təhsili alan şəxslər “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”na müraciət edə bilməyəcək.
“Report”xəbər verir ki, bunu “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın İdarəetmə Qrupunun rəhbəri Turan Topalova deyib.
Onun sözlərinə görə, öz hesabına təhsil alan doktoranlar isə müddətin 50 faizdən çoxunu oxumayıbsa, müraciət edə bilərlər: “Yəni artıq üçüncü kursdadırsa, həmin şəxslər də müraciət edə bilməyəcək”.
