DİM-in şöbə müdiri: Danışıq bloku üzrə imtahan üç mərhələdən ibarətdir

DİM-in şöbə müdiri: Danışıq bloku üzrə imtahan üç mərhələdən ibarətdir

Danışıq bloku üzrə mövzular ümumi dil bacarıqlarını, təhsil, mədəniyyət, turizm, işlə təmin olunma, asudə vaxtın səmərəli keçirilməsi, elm, innovasiya və digər ümumi sahələri əhatə edir. Xarici dildən danışıq bloku üzrə imtahan üç mərhələdən ibarətdir.

AzEdu.azxəbər verir ki, bunu Dövlət İmtahan Mərkəzinin yutub və feysbuk səhifələrində təşkil etdiyi canlı yayımda Dövlət dili və xarici dillər üzrə şöbəsinin müdiri Könül Hacıyeva bildirib.

DİM-in şöbə müdiri qeyd edib ki, namizəd kompüterin qarşısında əyləşir, prosesi özü idarə edir, qeydiyyatdan keçir. Birinci mərhələdə şəkil təqdim olunur və onu təsvir etmək tələb edilir. Bununla bağlı internetdə kifayət qədər resurslar var. Sonra şəkildəki mövzu ilə bağlı sual tələb olunur. İkinci mərhələdə fikir, müzakirə mövzusu qoyulur. Onun lehinə və əleyhinə fikirlər təqdim edilir. Namizəd bu fikirlərdən hansını seçməsinə özü qərar verir. Üçüncü mərhələdə həmin mövzu ilə bağlı sual verilir. Danışıq blokunda namizəd 18-20 dəqiqə müddətində imtahanı vermiş olur. Namizəd vaxtının qurtarmasına nə qədər qaldığını özü izləyə bilər.

Qeyd edək ki, DİM-in bugünkü canlı yayımında doktorantura və dissertanturaya xarici dil üzrə qəbul imtahanı, iddiaçıların xarici dil üzrə, həmçinin əcnəbi və vətəndaşlığı olmayan iddiaçıların Azərbaycan dili üzrə fəlsəfə doktoru imtahanı ilə əlaqədar ətraflı məlumat verilib.

Doktorantura, dissertantura və adyunkturada təhsil alan və ya təhsilini bitirmiş iddiaçıların xarici dil üzrə, həmçinin əcnəbilərin və vətəndaşlığı olmayan şəxslərin Azərbaycan dili üzrə fəlsəfə doktoru imtahanına qeydiyyat mayın 29-dək davam edəcək.

Xarici dillər üzrə fəlsəfə doktoru imtahanı iyunun 12-də keçirilməsi nəzərdə tutulur. Danışıq bloku üzrə imtahanın isə iyunun 16-19-da keçiriləcək.

  • Paylaşmağı unutma

Səhr yaz

110 mindən çox abituriyent ərizəsini təsdiqləyib

110 mindən çox abituriyent ərizəsini təsdiqləyib

Ali təhsilin bakalavriat səviyyəsinə və orta ixtisas təhsili pilləsinə (tam orta təhsil bazasından) qəbul olmaq istəyən 115 min 245 abituriyent ərizə verib. Bununla bağlı "Report"a Dövlət İmtahan Mərkəzindən məlumat verilib....

On minlərlə gənc peşə təhsilindən kənarda qalıb

On minlərlə gənc peşə təhsilindən kənarda qalıb

"Təəssüf hissi ilə qeyd etməliyik ki, peşə təhsilinə qəbul ali təhsilə qəbuldan 3 dəfə azdır. Ölkəyə inkişaf istiqamətlərinə uyğun zəruri peşələrə malik ixtisaslı işçilər tələb edilir"....

Magistraturaya qəbul imtahanının yekun nəticələri

Magistraturaya qəbul imtahanının yekun nəticələri

Dövlət İmtahan Mərkəzi ali təhsil müəssisələrinin magistraturalarına fevralın 11-də keçirilən qəbul imtahanının yekun nəticələrini elan edib. "Report" xəbər verir ki, bakalavrlar imtahan nəticələri ilə buradan tanış ola bilərlər.