BMU-da tələbələrə müxtəlif hədiyyələr təqdim olunub

BMU-da tələbələrə müxtəlif hədiyyələr təqdim olunub - 1
Bakı Mühəndislik Universitetində (BMU) “Dünya Pi Günü”nə həsr olunmuş tədbir keçirilib.

AzEdu.azxəbər verir ki, Universitetin Tələbə Elmi Cəmiyyətinin (TEC) nəzdində fəaliyyət göstərən “Pi Klubu”nun təşkilatçılığı ilə baş tutan tədbirdə açılış nitqi ilə çıxış edən BMU-nun Riyaziyyat və informatika kafedrasının baş müəllimi Bəhman Məmmədov (Qüdsi) məşhur Pi sabitinin şərəfinə hər il 14 martda qeyd olunan bu günün yaranma tarixi, həmçinin önəmindən söz açıb. Qeyd edib ki, BMU-da belə bir tədbirin keçirilməsində əsas məqsəd tələbələrin riyaziyyat fənninə olan marağının daha da artırılması, eyni zamanda gənc istedadların üzə çıxarılmasıdır. Tədbir çərçivəsində məntiq yarışmasının keçiriləcəyini söyləyən B.Məmmədov münsiflər heyətinin tərkibini açıqlayıb və iştirakçılara uğurlara arzulayıb.

“Pi klubu”nun fəaliyyəti ilə bağlı videoçarx nümayiş olunduqdan sonra klubun sədri Şəfəq Yaqubova çıxış edib. Bildirib ki, klubun məqsədi riyaziyyat sevən fərqli insanları bir araya toplamaq, eyni zamanda riyaziyyatın sıxıcı deyil, maraqlı və əyləncəli olduğunu göstərməyə çalışmaqdır. Yarandığı gündən klub tərəfindən üzvlərin davamlı şəkildə biliklərini yoxlamağa, yeni biliklər əldə etməyə həvəsini artıran müxtəlif layihələrin həyata keçirildiyini vurğulayan Ş.Yaqubova ölkənin bir çox universitetləri və məktəbləri ilə sıx əməkdaşlıq edildiyini tədbir iştirakçılarının nəzərinə çatdırıb.

Sonra “Evrika”, “Radian”, “MATRİX”, “Alliance”, “Nömrə 1”, “Prometey” komandalarının iştirak etdiyi məntiq yarışı başlayıb. Komandalarda BMU, Bakı Dövlət Universiteti, Azərbaycan Dövlət İqtisad Universiteti, Azərbaycan Dövlət Neft və Sənaye Universiteti, Bakı Ali Neft Məktəbi, Azərbaycan Texniki Universiteti, Azərbaycan Dövlət Pedaqoji Universitetinin tələbələri, eləcə də Zirvə liseyi və Nömrə 1 tədris mərkəzinin şagirdləri təmsil olunub.

Məntiq yarışında 1, 2 və 3 ballıq 15 sual səsləndirilib. “Nömrə 1” komandası 23 balla yarışmada ilk yeri tutub.

Sonda qaliblərə, eləcə də iştirakşılara təşəkkürnamələr və müxtəlif hədiyyələr təqdim olunub.

  • Paylaşmağı unutma

Səhr yaz

Xaricdə təhsil almış neçə nəfərin diplomu tanınmayıb?

Xaricdə təhsil almış neçə nəfərin diplomu tanınmayıb?

Oktyabr ayı üzrə 729 müraciətçinin 612-si barədə müsbət qərar verilərək müvafiq şəhadətnamələr təqdim edilib, 117 nəfərin müraciəti isə mənfi qərarla yekunlaşıb. Bu barədə "Report"a Təhsildə Keyfiyyət Təminatı Agentliyindən məlumat verilib....

E-jurnal və e-gündəlik tətbiq edilən təhsil müəssisələri

E-jurnal və e-gündəlik tətbiq edilən təhsil müəssisələri

2023-2024-cü tədris ilində e-jurnal və e-gündəlik platformasına qoşulan ümumi təhsil müəssisələrinin sayı 453-ə çatıb. Elm və Təhsil Nazirliyindən "Report"a verilən məlumata görə, sözügedən sistemdən hazırda Bakı şəhəri ilə yanaş...

Məktəblərdə psixoloqların sayı nə qədərdir?

Məktəblərdə psixoloqların sayı nə qədərdir?

"Bu gün məktəblərdə psixoloq ştatının azlığı onların aldığı əməkhaqqının az olması ilə əlaqədardır". “Report” xəbər verir ki, bunu Milli Məclisin deputatı Azər Badamov parlamentdə “Azərbaycan Respublikasının 2024-cü il dövlət büdcəsi haqqında” ...