Biologiya fənni üzrə beynəlxalq olimpiadalara hazırlıq dərsləri davam edir
Biologiya fənnindən yuxarı və aşağı yaş qrupları üzrə beynəlxalq olimpiadalara hazırlıq dərsləri uğurla davam edir. Dərslər həm onlayn, həm də ənənəvi üsulla tədris olunur.
Bu barədəAZƏRTAC-a Təhsil İnstitutundan bildirilib. Qeyd edilib ki, hazırlıq dərslərində aşağı yaş qrupu üzrə əvvəlki tədris ilində respublika fənn müsabiqəsinin və olimpiadalarının biologiya fənni üzrə qalibləri, əvvəlki illərdə biologiya fənninin hazırlıq dərsləri komandasının şagirdləri iştirak edirlər. Dərslərə, həmçinin seçmə imtahanda uğurlu nəticə göstərmiş və respublika fənn olimpiadalarının final turuna vəsiqə qazanmış şagirdlər dəvət olunublar.
