Azərbaycanlı tələbə ABŞ-ın 3 universitetində doktoranturaya birbaşa qəbul oldu
Bakı Ali Neft Məktəbinin (BANM) Kimya mühəndisliyi ixtisasının V kurs tələbəsi Fəxrəddin Eminli ABŞ-nin 3 universitetinə tam təqaüdlə birbaşa doktorantura səviyyəsinə qəbul olub.
Publika.azxəbər verir ki, bu barədə Bakı Ali Neft Məktəbinin rektoru Elmar Qasımov şəxsi "Facebook" səhifəsində məlumat paylaşıb.
Paylaşımı təqdim edirik:
"Daha bir tələbəmizin uğurunu paylaşmaqdan qürur duyuram!
SOCAR-ın Bakı Ali Neft Məktəbinin tələbəsi ABŞ-də tam təqaüdlə doktoranturaya qəbul olub
Bakı Ali Neft Məktəbinin (BANM) Kimya mühəndisliyi ixtisasının V kurs tələbəsi Fəxrəddin Eminli ABŞ-nin 3 universitetinə tam təqaüdlə birbaşa doktorantura səviyyəsinə qəbul olub.
Onun Ohayo Universiteti, Tuleyn Universiteti və Urbana-Şampeyn İllinoys Universitetində Kimya və biomolekulyar mühəndislik ixtisasında tam təqaüdlü doktorantura təhsili üçün müraciətinə müsbət cavab verilib.
Fəxrəddin təhsilini Urbana-Şampeyn İllinoys Universitetində (University of İllinois Urbana-Champaign) davam etdirmək niyyətindədir. BANM tələbəsinin bu universitetdən qazandığı illik təqaüdün məbləği 74,5 min ABŞ dolları təşkil edir.
Fəxrəddin Bakı Ali Neft Məktəbinə 690 balla daxil olub.
Tələbəmizi təbrik edir və onunla qürur duyuruq!"
Mehti Kamiloğlu
