Azərbaycanlı alimin məqaləsinin təsviri beynəlxalq jurnalın üz qabığında çap olunub

Elm və Təhsil Nazirliyinin İnformasiya Texnologiyaları İnstitutunun aparıcı elmi işçisi texnika üzrə fəlsəfə doktoru, dosent Fərqanə Abdullayevanın Çinin Süni İntellekt Assosiasiyası ilə İngiltərənin Mühəndislik və Texnologiya İnstitutunun birgə nəşr etdirdiyi “CAAI Transactions on Intelligence Technology” jurnalında dərc olunan məqaləsi baş redaktor Hong Lin tərəfindən seçilib. Məqalənin əsas ideyasını və kontentini əks etdirən təsvir jurnalın üz qabığında çap olunub.

AZƏRTACxəbər verir ki, “Xəstələrin Səhiyyə 4.0 infrastrukturundakı demoqrafik məlumatları üzərindən qurulmuş əşyaların internetinə əsaslanan səhiyyə sistemi” (Internet of Things based healthcare system on patient demographic data in Health 4.0) adlı məqalədə əşyaların internetinə əsaslanan intellektual səhiyyə sisteminin arxitekturası verilib. Təklif edilmiş yanaşma pandemiya şəraitində pasiyentlərdə xroniki xəstəliklərin erkən mərhələdə aşkarlanmasını, COVID-19 virus infeksiyasının effektiv diaqnostikasını həyata keçirir.

Məqalə “E-sosiotexnoloji mühitlərdə Big Data resurslarının menecmenti, e-demoqrafiyanın formalaşması və intellektual analizi texnologiyalarının işlənilməsi” layihəsi çərçivəsində aparılmış elmi tədqiqatlar əsasında hazırlanıb.

Qeyd edək ki, “CAAI Transactions on Intelligence Technology” jurnalı süni intellekt sahəsində 145 impakt faktorlu jurnal arasında 25-ci mövqedə qərarlaşıb və elmmetrik göstəricilərə malikdir.

  • Paylaşmağı unutma

Səhr yaz

Xaricdə təhsil almış neçə nəfərin diplomu tanınmayıb?

Xaricdə təhsil almış neçə nəfərin diplomu tanınmayıb?

Oktyabr ayı üzrə 729 müraciətçinin 612-si barədə müsbət qərar verilərək müvafiq şəhadətnamələr təqdim edilib, 117 nəfərin müraciəti isə mənfi qərarla yekunlaşıb. Bu barədə "Report"a Təhsildə Keyfiyyət Təminatı Agentliyindən məlumat verilib....

E-jurnal və e-gündəlik tətbiq edilən təhsil müəssisələri

E-jurnal və e-gündəlik tətbiq edilən təhsil müəssisələri

2023-2024-cü tədris ilində e-jurnal və e-gündəlik platformasına qoşulan ümumi təhsil müəssisələrinin sayı 453-ə çatıb. Elm və Təhsil Nazirliyindən "Report"a verilən məlumata görə, sözügedən sistemdən hazırda Bakı şəhəri ilə yanaş...

Məktəblərdə psixoloqların sayı nə qədərdir?

Məktəblərdə psixoloqların sayı nə qədərdir?

"Bu gün məktəblərdə psixoloq ştatının azlığı onların aldığı əməkhaqqının az olması ilə əlaqədardır". “Report” xəbər verir ki, bunu Milli Məclisin deputatı Azər Badamov parlamentdə “Azərbaycan Respublikasının 2024-cü il dövlət büdcəsi haqqında” ...