Alimlər: “Yer kürəsində kütləvi məhv 2100-cü ildə başlaya bilər”

Alimlər: “Yer kürəsində kütləvi məhv 2100-cü ildə başlaya bilər”

İqlim dəyişikliyi və Yer kürəsində planetin təbii ehtiyatlarının nəhəng istismarı nəticəsində canlı növlərinin kütləvi məhvi yaxın gələcəkdə baş verə bilər.

“Report”xəbər verir ki, bu barədə Böyük Britaniyanın “Daily Mail” qəzeti avstraliyalı və avropalı alimlərə istinadən yazıb.

Superkompüterin köməyi ilə Yer kürəsində 15 mindən çox qida zəncirinin modeli yaradılıb. Təhlil göstərib ki, ən pis ssenaridə 2050-ci ilə qədər bütün heyvan və bitki növlərinin 10 %-ə qədəri, 2100-cü ilə qədər isə 27 %-ə qədəri yox olacaq.

Orta ssenari 2100-cü ilə qədər biomüxtəlifliyin 13 % itkisini göstərir.

Alimlər nəsli tükənmənin əsas səbəbləri kimi qlobal istiləşmə və insan fəaliyyətinə işarə edirlər.

Tədqiqatçılar bu prosesləri qiymətləndirmək üçün əvvəlki yanaşmaların səhv olduğunu, növlərin qarşılıqlı əlaqəsi ilə bağlı birgə məhvi nəzərə almadıqlarını qeyd ediblər. Belə ki, müəyyən bir yırtıcı növü üçün ov olan heyvanların kütləvi şəkildə məhv olması onun ölümünə də səbəb olacaq.

Yeni nəticələr elm adamlarının əvvəllər düşündüyündən daha pessimistdir.

Bioloqlar həmçinin həşəratların nəslinin kəsilməsinin hər il 400 mindən çox insanın ölümünə səbəb olduğunu müəyyən ediblər. Harvard Çan İctimai Səhiyyə Məktəbinin alimləri tozlandırıcıların yoxa çıxması meyvə, tərəvəz və qoz-fındıq məhsuldarlığının 3 %-dən 5 %-ə qədər azalmasına və ürək xəstəlikləri, insult, diabet və xərçəngin bəzi növləri də daxil olmaqla müşayiət edən xəstəliklər səbəbindən 427 000 artıq ölümə səbəb olduğunu təsbit edib.

  • Paylaşmağı unutma

Səhr yaz

110 mindən çox abituriyent ərizəsini təsdiqləyib

110 mindən çox abituriyent ərizəsini təsdiqləyib

Ali təhsilin bakalavriat səviyyəsinə və orta ixtisas təhsili pilləsinə (tam orta təhsil bazasından) qəbul olmaq istəyən 115 min 245 abituriyent ərizə verib. Bununla bağlı "Report"a Dövlət İmtahan Mərkəzindən məlumat verilib....

On minlərlə gənc peşə təhsilindən kənarda qalıb

On minlərlə gənc peşə təhsilindən kənarda qalıb

"Təəssüf hissi ilə qeyd etməliyik ki, peşə təhsilinə qəbul ali təhsilə qəbuldan 3 dəfə azdır. Ölkəyə inkişaf istiqamətlərinə uyğun zəruri peşələrə malik ixtisaslı işçilər tələb edilir"....

Magistraturaya qəbul imtahanının yekun nəticələri

Magistraturaya qəbul imtahanının yekun nəticələri

Dövlət İmtahan Mərkəzi ali təhsil müəssisələrinin magistraturalarına fevralın 11-də keçirilən qəbul imtahanının yekun nəticələrini elan edib. "Report" xəbər verir ki, bakalavrlar imtahan nəticələri ilə buradan tanış ola bilərlər.