tehsil_xeberleri_metn Akademik Arif Həşimov: “TEKNOFEST” Azərbaycan elmi qarşısında yeni vəzifələr müəyyənləşdirdi

Akademik Arif Həşimov: “TEKNOFEST” Azərbaycan elmi qarşısında yeni vəzifələr müəyyənləşdirdi

Akademik Arif Həşimov: “TEKNOFEST” Azərbaycan elmi qarşısında yeni vəzifələr müəyyənləşdirdi

AMEA-nın prezidenti vəzifəsini icra edən akademik Arif Həşimov “TEKNOFEST Azərbaycan” festivalında akademiyanın iştirakının nəticələrinə həsr olunmuş Rəyasət Heyətinin xüsusi iclasında çıxış edib.

AMEA-dan bildirilib ki, akademik mayın 26-29-da Türkiyə və Azərbaycan dostluğu və qardaşlığının parlaq təzahürü olan “TEKNOFEST Azərbaycan” Aviasiya, Kosmos və texnologiya festivalına Bakının ev sahibliyi etdiyini xatırladıb. Alim bildirib ki, Azərbaycanın Qarabağda tarixi Zəfərindən sonra bölgədə və regionda, o cümlədən dünyada yaranmış yeni reallıqlar, yeni siyasi konfiqurasiyalar kontekstində belə bir mesajın böyük siyasi əhəmiyyəti var. Türkiyə-Azərbaycan dostluq və qardaşlığını bütün dünyaya bir daha nümayiş etdirən mötəbər tədbirdə çıxış edən Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın nitqlərində ifadə olunan dostluq, qardaşlıq və strateji tərəfdaşlıq mesajları bütün türk dünyası üçün yeni bir inkişaf mərhələsinin başlanmasından xəbər verir.

“Müasir zamanın çağırışlarına uyğun olaraq elm, texnologiya və innovasiyaların təşviq edilməsi, ölkədə texnoloji suverenliyin təmin olunmasının vacibliyinə diqqətin yönəldilməsi məqsədi daşıyan festivalda Azərbaycan Milli Elmlər Akademiyası tərəfdaş dövlət qurumu statusunda xüsusi pavilyonla iştirak edirdi. AMEA-nın pavilyonunda akademiyanın bir sıra elmi müəssisə və təşkilatlarının innovativ texnologiyaları, məhsul və həlləri nümayiş olunurdu”, – deyə akademik Arif Həşimov bildirib. Qeyd edib ki, tədbir çərçivəsində Türkiyə və Azərbaycanın nüfuzlu dövlət və hökumət nümayəndələri, hər iki ölkənin elm və təhsil ictimaiyyətini təmsil edən şəxslər, çoxsaylı şagird və tələbələr, sadə vətəndaşlar AMEA-nın pavilyonunu ziyarət edib, burada nümayiş olunan məhsulları böyük maraqla qarşılanıb. Onun sözlərinə görə, elmin və texnologiyaların populyarlaşdırılması, Azərbaycanda aerokosmik texnologiyalar, müdafiə sənayesi və innovativ sahibkarlıq kimi sahələrin geniş təbliğ edilməsi, rəqəmsal bilik və bacarıqlara malik istedadlı gənclərə dəstək göstərilməsi, ölkədə kadr potensialının gücləndirilməsi və milli texnoloji həllərin inkişafı üçün zəmin yaradılması festivalın əsas hədəfləri sırasında idi. “TEKNOFEST Azərbaycan” ölkədə elmi-innovativ fəaliyyətin təşkili, türk dünyası ilə əməkdaşlıq əlaqələrinin inkişafı, texnoloji transfer və s. istiqamətlərdə Azərbaycan elmi qarşısında bir sıra yeni vəzifələr müəyyənləşdirib.

Akademik Arif Həşimov festival çərçivəsində türkiyəli həmkarlarla, Türkiyə Elmlər Akademiyası və TUBİTAK-ın rəhbərliyi ilə bir sıra rəsmi işgüzar görüşlərin keçirildiyini, qarşılıqlı əməkdaşlıqla bağlı mühüm məsələlərin müzakirə edildiyini nəzərə çatdırıb. O, bu görüşlərin Türkiyə və Azərbaycan arasında elmi əməkdaşlıq əlaqələrinin möhkəmləndirilməsində, xüsusən yüksək texnologiyaların inkişafında mühüm rol oynayacağına əminliyini ifadə edib. Festivalda həm Türkiyə, həm də Azərbaycan tərəfindən gənc nəslin nümayəndələrinin, şagird və tələbələrin, adi vətəndaşların iştirak etdiyini söyləyən alim “TEKNOFEST”in həmin şagird və tələbələrin ixtisas və peşə seçiminə həlledici təsir göstərəcəyinə, bir çox alim və mühəndislərin yetişməsinə səbəb olacağına inamını bildirib.

Arif Həşimov AMEA-nın vitse-prezidenti akademik Rasim Əliquliyevin sədrliyi ilə fəaliyyət göstərən İşçi qrupa, festivalda təmsil olunan akademiyanın İnformasiya Texnologiyaları, İdarəetmə Sistemləri, Riyaziyyat və Mexanika, Radiasiya Problemləri, Biofizika və Neft-Kimya Prosesləri institutlarının rəhbərləri və əməkdaşlarına, Yüksək Texnologiyalar Parkının rezidentlərinə, Rəyasət Heyəti aparatının İnformasiya şöbəsinə və İşlər İdarəsinə tədbirin təşkili və keçirilməsində fəal iştirakına, AMEA-nın “TEKNOFEST Azərbaycan”da yüksək səviyyədə təmsil olunmasına görə Rəyasət Heyəti adından təşəkkürünü bildirib.

  • Paylaşmağı unutma

Səhr yaz

Bu gün neçə mind IX sinif şagirdi buraxılış imtahanı verib

Bu gün neçə mind IX sinif şagirdi buraxılış imtahanı verib

DİM aprelin 7-də ümumi (9 illik) orta təhsil səviyyəsi üzrə buraxılış imtahanı keçirib. "Report" xəbər verir ki, Bakı şəhərinin Xəzər – 1, Qaradağ, Yasamal, Suraxanı, Binəqədi rayonlarında, Sumqayıt – 1, Abşeron – 1, Gəncə - 2, Mingəçevir, Şəmkir – 1, Tovuz, ...

Birinci sinfə qəbul prosesinin vaxtı açıqlandı

Birinci sinfə qəbul prosesinin vaxtı açıqlandı

Yeni tədris ili üçün orta məktəblərin birinci sinfinə qəbul prosesinin başlayacağı vaxt açıqlanıb. "Report" xəbər verir ki, bununla bağlı Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin...

Xaricdə dövlət hesabına təhsil almaq istəyənlərə məlumat

Xaricdə dövlət hesabına təhsil almaq istəyənlərə məlumat

Bu gündən “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində xaricdə bakalavriat və magistratura təhsil səviyyələri üzrə namizədlərin müsahibə mərhələsinə start verilib...

Ramazan bayramı ilə əlaqədar bayram günləri

Ramazan bayramı ilə əlaqədar bayram günləri

Ramazan bayramı ilə əlaqədar məktəblərdə qeyri-iş günləri məlum olub. "Report" xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb. Bildirilib ki, ... günlük qrafiklə işləyən təhsil müəssisələrində bayramdan əvvəl...