Abituriyentlər üçün “Audiolüğət” hazırlanıb
Xəzər Universitetinin İngilis dili və ədəbiyyatı departamentinin müdir əvəzi filologiya üzrə fəlsəfə doktoru Milana Abbasovanın həmmüəllifi olduğu (digər həmmüəlliflər Ceyhun Kərimov və Samir Balakişiyevdir) “Audiolüğət” (Audio Vocabulary) hazırlanıb.
UniversitetdənAZƏRTAC-a bildirilib ki, lüğət əsasən 9, 10 və 11-ci siniflər və buraxılış imtahanına hazırlaşan abituriyentlər üçün nəzərdə tutulub.
Vəsaitdə verilən hər bir sözün həm tərcüməsi, həm də orijinal forması səsləndirilib. Bundan əlavə, hər bölmə üzrə lüğət çalışmaları, sinonim və antonim lüğəti, 300-dən artıq ən çox istifadə olunan isim, sifət, feil və frazeoloji birləşmələr də verilib. Müəlliflər vəsaitin abituriyentlər üçün çox faydalı olacağına ümid edirlər.
