Bu gün bəzi müəllimlər Sınaq Qiymətləndirilməsində iştirak edir

Bakı Şəhəri üzrə Təhsil İdarəsindən bildirilib ki, qiymətləndirmə Bakı şəhərinin 2 məktəbində - 47 və 258 saylı orta məktəblərində saat 11:00-da başlayıb. Sınaq qiymətləndirilmə saat 13:30- da başa çatacaq.

Ümumilikdə Bakı üzrə 1493 nəfəri Azərbaycan, 260 nəfəri rus bölməsi olmaqla 1753 müəllim Sınaq Qiymətləndirilmədə iştirak üçün qeydiyyatdan keçib.

Təhsil Nazirliyi bu gün Sınaq Qiymətləndirilməsində iştirak edəcək bütün müəllimlərə uğurlar arzulayıb.