Fransis Qardener-Trexo: “Naxçıvan və İngiltərə universitetləri arasında əlaqə yaratmaq istəyirik”

Fransis Qardener-Trexo: “Naxçıvan və İngiltərə universitetləri arasında əlaqə yaratmaq istəyirik” - 1
“Bildiyimiz kimi, British Councilin ölkədəki əsas missiyalarından biri ingilis dilinin inkişafı və təbliğidir. Bu sahədə Naxçıvan Muxtar Respublikasının Təhsil Nazirliyi ilə gələcəkdə hansı işlər görə biləcəyimizi də müəyyənləşdirdik. British Council olaraq ingilis dili tədrisinin aparılmasında daha çox onlayn vasitələrdən istifadəni təbliğ edirik və bunu müzakirələrimizdə də bildirdik. Çünki bu üsul müəllimlərin, şagirdlərin ingilis dili materiallarına əlçatanlığını daha çox asanlaşdırır. Gələcəkdə bu istiqamətdə birgə iş görməyi planlaşdırırıq”.

“Report”xəbər verir ki, bu sözləri Britaniya Şurasının Azərbaycan Respublikası üzrə direktoru Fransis Qardener-Trexo deyib.

“İngiltərənin təhsil sektoru dünyadakı aparıcı ölkələrin sıralamasında ilk yerləri tutur, beynəlxalq universitetlər arasında ilk 20-yə düşən ali məktəblərimiz var. Bu mənada, məqsədimiz odur ki, Naxçıvandakı universitetlərlə İngiltərədəkilər arasında beynəlxalq əlaqə yaradıb, həm tələbə mübadiləsi proqramı və həm də digər istiqamətlər üzrə hər iki tərəfə böyük töhfələr verək”, - Fransis Qardener-Trexo qeyd edib.

Naxçıvana ilk dəfədir səfər etdiyini deyən Britaniya Şurasının Azərbaycan üzrə direktoru qeyd edib ki, əlaqələr üçün əlverişli şərait var: “Əmin oldum ki, bərabər işləməyimiz, qarşılıqlı əlaqələrimiz üçün ayrı-ayrı sahələr üzrə gözəl imkanlar mövcuddur. Böyük Britaniya ilə Azərbaycanın Naxçıvan Muxtar Respublikası arasında daha uzunmüddətli və güclü münasibətlərin qurulacağına inanıram”.

  • Paylaşmağı unutma

Səhr yaz

5
Azərbaycanda nə qədər əcnəbi tələbələ oxuyur?

Azərbaycanda nə qədər əcnəbi tələbələ oxuyur?

Azərbaycanda təhsil alan əcnəbi tələbələrin sayı açıqlanıb. Təhsil Nazirliyindən verilən məlumata görə, ölkəmizin ali və orta ixtisas təhsili müəssisələrində 101 ölkədən 7400-ə yaxın əcnəbi və vətəndaşlığı olmayan tələbə təhsil alır.

Azərbaycan dilinin qorunması ilə bağlı beynəlxalq tədbir haqqında

Azərbaycan dilinin qorunması ilə bağlı beynəlxalq tədbir haqqında

Dövlət Dil Komissiyası yanında Monitorinq Mərkəzinin təşkilatçılığı ilə Dünya Azərbaycanlılarının Həmrəyliyi Gününə həsr olunmuş “Dilimizə sevgi ilə yola çıxdıq” adlı beynəlxalq tədbir keçirilib. "Report" xəbər verir ki, Azərbaycan dilinin qorunması..

DİM-in yanvar-fevral aylarında keçiriləcək imtahanları

DİM-in yanvar-fevral aylarında keçiriləcək imtahanları

Dövlət İmtahan Mərkəzi gələn ilin yanvar və fevral aylarında keçiriləcək imtahanların tarixlərini açıqlayıb.Mərkəzdən "Report"a verilən məlumata görə, yanvar ayında dövlət qulluğuna qəbul və Xarici İşlər Nazirliyinə diplomatik xidmətə qəbul imtahanı

Azərbaycanda bir qrup alimə ərzaq yardımı edilib

Azərbaycanda bir qrup alimə ərzaq yardımı edilib

AMEA-nın Azad Həmkarlar İttifaqı və Fizika İnstitutunun Həmkarlar İttifaqı Komitəsi tərəfindən qarşıdan gələn Yeni il bayramı və Dünya Azərbaycanlılarının Həmrəylik Günü münasibətilə sözügedən Qarabağ müharibəsi veteranları və şəhid ailələrinə ...